სხეულის სკანირება შესაძლოა გაკეთდეს როგორ მჯდომარე, ასევე დაწოლილ მდგომარეობაში. მნიშვნელოვანია, რომ ადამიანი შეძლებისდაგვარად კომფორტულად მოეწყოს, უსაფრთხო ადგილას, შეუძლია დახუჭოს თვალები. ინსტრუქცია შემდეგნაირია (GGIA, 2020):

• გადაიტანეთ ყურადღება თქვენს სხეულზე
• გააკეთეთ რამდენიმე ღრმა ჩასუნთქვა, იგრძენით როგორ შემოდის სხეულში ჟანგბადი, ამოსუნთქვასთან ერთად როგორ რელაქსირდება სხეული
• შეგიძლიათ, დაუკვირდეთ თქვენს ფეხებს, შეგრძნებებს, რომელიც გამოწვეულია მათი შეხებით იატაკთან (ან, თუ წევხართ – საწოლის ზედაპირთან), მათი წონა – სიმსუბუქე ან სიმძიმე, ტემპერატურა, შესაძლოა პულსაციაც
• შეგიძლიათ, დაუკვირდეთ თქვენს ზურგს – როგორ ეხება სავარძლის (ან, საწოლის) ზედაპირს, შეიგრძნოთ ტემპერატურა
• დაუკვირდით თქვენს მუცელს; თუ დაძაბულია – შეარბილეთ
• დაუკვირდით ხელებს, რას გრძნობთ – ტემპერატურას, პულსაციას… თუ დაძაბულია – შეარბილეთ
• დაუკვირდით თქვენს მკლავებსა და მხრებს, რას გრძნობთ. მიეცით მიეცით მკლავებს შერბილების და მხრებს – მოშვების საშუალება
• დაუკვირდით თქვენს კისერსა და ყელს, რას გრძნობთ, რამდენად მოშვებულია. თუ დაძაბულია, მიეცით მოშვების საშუალება
• დააკვირდით თქვენს სახეს, ქვედა ყბას, სახის კუნთებს – მიეცით მოდუნების საშუალება 
• შეიგრძენით მთელი სხეული
• როცა მზად იქნებით – გაახილეთ თვალი.

თუ სხეულის სკანირებაში გავარჯიშებული ხართ, შფოთვის ნიშნების შემჩნევისას შეგიძლიათ, გააკეთოთ სკანირების სავარჯიშო, რომლის დროსაც დააკვირდებით შფოთვის სხეულებრივ გამოხატულებებს; უბრალოდ, გააცნობიერებთ, სად – სხეულის რომელ ნაწილში რას და როგორ გრძნობთ. თვითდაკვირვების შედეგად შფოთვის ინტენსივობა დაიკლებს.

წიგნიდან: ჯანა ჯავახიშვილი (2020) „მედია, ფსიქიკური ჯანმრთელობა და ადამიანის უფლებები”