„ომი, ომამდე, ომის შემდეგ“
წიგნში თავმოყრილია 2008 წლის ომის შედეგად იძულებით გადაადგილებული პირების ზეპირი ისტორიები, სადაც მოთხრობილია, თუ როგორი იყო 2008 წლის ომამდე ცხოვრება, რა ხდებოდა ომის დროს და როგორ უმკლავდებოდნენ და უმკლავდებიან ომის შემდგომ ახალ რეალობას. წიგნი მოიცავს პირად ისტორიებს, სადაც ჩანს ოჯახების და სოფლების ცხოვრება, ისტორიული ფაქტები, ფსიქოლოგიური ტრავმები, გამკლავების და გადარჩენის მაგალითები.
ზეპირი ისტორიები შეგროვდა პროექტის „SOLATIUM-ი: სამართლიანობისა და კეთილდღეობისთვის“ ფარგლებში. ამ პროექტის მიზანია მცხეთა-მთიანეთის და შიდა ქართლის რეგიონში 2008 წლის ომით დაზარალებული მოსახლეობის ფსიქიკური ჯანმრთელობის, სამედიცინო და სოციალური საჭიროებების დაკმაყოფილება.
